Khaw pakhatah hian lo nei mi pakhat hian bawng chaw tur hnim a sãt a. A hnim sahna lamah a chem a lek sual a, a hnar a hlâwi ta hlawih mai a. A thi zawih-zawih a, a hnar bung ta chu a en a, a chek tlawk-tlawk a. Khua-a mite’n an lo hmuh chuan an nuihzat ngei-a a rin vangin a chet chhiat dan chu a thup a, thu a phuah chawp ta a. Khuaah chuan a thu phuah chawp chu a sawi kual a, “E, t.hiante u, ka ram kalna- a ni,” a ti a.
A thu sawi lo ngaithlatute chu mi naran ve tak an nih avangin a thu phuah chawp chu an lo âwih a, anzinga miah Pathianin min rawn bia a, kei chuan a hmel hmuh ka châk vangin hmuh theih dan tur ka zawt a. Ani chuan, “I hnar kha tan la, min hmu mai ang,” a ti a. Chu ve leh ka hnar chu ka tan bung a, van lam ka han en chhoh nâkah chuan Pathian hmel ropui tak chu ka hmu ta pakhat chuan chem a la lawk a, a hnar chu a’n hlâwi ve ringawt a.Van lamah a dâk chho nghal a, mahse Pathian chu sawi loh, vate beng sen tak ngial pawh a hmu si lova. A hnar a lo tan laklawh tawh si a, ka hmu lo a tih vaih chuan mi zawng-zawng chuan an nuihzat dawn tih a hre si a,a hmaa mi sawi ang-ang chuan a sawi ve ta a. “Ekhai, unaute u, Pathian hmel mawi zia leh ropui zia hi keia sawi fiah phâk rual a ni lo ve” a ti ta lauh-lauh a, hmuhnawm ti awm takin van lam a thlir âng phuau a. Tichuan a thusawi hre phak zawng chuan an hnar an tan ve ta sup-sup a; mahse Pathian hmel awzawng an hmu lova, zahzelah hmu angin an in sawi ta t.heuh va. Rei vak lo hnu-ah chuan a khaw nâwtin an hnar an tan ve ta sup-sup a.
Chu khuaah chuan pa pakhat, mahni chhia leh t.ha hriatna hmang thiam tak hi a awm a, hnar tan bun hi Pathian hmel hmuhna a ni ngai lo, tiin mite chu a hrilhfiah a. Mahse mite chuan an hnar an lo tan tawh si a, an tih ngaihna hre lo chuan chu pa chu mi ã ah an puh thlu ta der a, an nuih ta dur-durmai a. Ani pawh chuan chu mi ã ho khua-a awm reng chu hrehawm a tih avangin khaw dangah a pem bo ta ringawt mai a ni.
Hei hi tehkhin thu a ni. Zohnam mipuite chuan an nihna zehlun, an hnam sakhua chu an hnawl a, ram dang at.anga châwk luh sakhua chu an pawm ta hlauh thung a. Hnar tan bun mai chu nêp tak a ni. Mahni hnam zehlun, hnam sakhua an malmâk hi an bo lailet der tih pawh an inhre phal lova, chubâkah anchêt fawrna chu Pathian hmuhna niin an in sawi siak ta tlauh-tlauh va, mahse tisa nawmsakna an thlâkhlelh dan han en hian Pathian an hmu lo tih a lang reng a. Tin, anmahni chhia leh t.ha hriatna hmang lovin thu puarpawlêng sep thiam apiang an in ngaihsan siak a. Chhungril zia kawrawng siin, pawn lam mawina in an in chhep-relh mêk a ni.
Tichuan an nihna zehlun an paih thlâk ang-a paih thla ve duh lo, Pi leh Pute Chatuan Sakhua vuan tlat tute chu mi ã leh sual chhe lailet dêrah an puh ta a. Mahse hnar tan bung tute’n zahzelsiam kual ang lek chauh kha a ni.
Hnam Sakhua hi hnam tungdingtu leh vawng nungtu a ni a, hemi hnawl chunga hnam nunze dik tun din tum chu thluak tel lova nun tum ang a ni. Chuvangin tuipui ral at.ang sakhaw lo lut hian engtikah mah hnam a tungding lovang. ‘Import Quality Sakhua’ buaipui lova ‘Original Sakhua’ kan buaipui a, chuta kan nun kan sawh ngheh a ngai ta e, chu chauh chu hnam damna awm chhun a ni.
Dated 10 ??? 2013 ????????
A thu sawi lo ngaithlatute chu mi naran ve tak an nih avangin a thu phuah chawp chu an lo âwih a, anzinga miah Pathianin min rawn bia a, kei chuan a hmel hmuh ka châk vangin hmuh theih dan tur ka zawt a. Ani chuan, “I hnar kha tan la, min hmu mai ang,” a ti a. Chu ve leh ka hnar chu ka tan bung a, van lam ka han en chhoh nâkah chuan Pathian hmel ropui tak chu ka hmu ta pakhat chuan chem a la lawk a, a hnar chu a’n hlâwi ve ringawt a.Van lamah a dâk chho nghal a, mahse Pathian chu sawi loh, vate beng sen tak ngial pawh a hmu si lova. A hnar a lo tan laklawh tawh si a, ka hmu lo a tih vaih chuan mi zawng-zawng chuan an nuihzat dawn tih a hre si a,a hmaa mi sawi ang-ang chuan a sawi ve ta a. “Ekhai, unaute u, Pathian hmel mawi zia leh ropui zia hi keia sawi fiah phâk rual a ni lo ve” a ti ta lauh-lauh a, hmuhnawm ti awm takin van lam a thlir âng phuau a. Tichuan a thusawi hre phak zawng chuan an hnar an tan ve ta sup-sup a; mahse Pathian hmel awzawng an hmu lova, zahzelah hmu angin an in sawi ta t.heuh va. Rei vak lo hnu-ah chuan a khaw nâwtin an hnar an tan ve ta sup-sup a.
Chu khuaah chuan pa pakhat, mahni chhia leh t.ha hriatna hmang thiam tak hi a awm a, hnar tan bun hi Pathian hmel hmuhna a ni ngai lo, tiin mite chu a hrilhfiah a. Mahse mite chuan an hnar an lo tan tawh si a, an tih ngaihna hre lo chuan chu pa chu mi ã ah an puh thlu ta der a, an nuih ta dur-durmai a. Ani pawh chuan chu mi ã ho khua-a awm reng chu hrehawm a tih avangin khaw dangah a pem bo ta ringawt mai a ni.
Hei hi tehkhin thu a ni. Zohnam mipuite chuan an nihna zehlun, an hnam sakhua chu an hnawl a, ram dang at.anga châwk luh sakhua chu an pawm ta hlauh thung a. Hnar tan bun mai chu nêp tak a ni. Mahni hnam zehlun, hnam sakhua an malmâk hi an bo lailet der tih pawh an inhre phal lova, chubâkah anchêt fawrna chu Pathian hmuhna niin an in sawi siak ta tlauh-tlauh va, mahse tisa nawmsakna an thlâkhlelh dan han en hian Pathian an hmu lo tih a lang reng a. Tin, anmahni chhia leh t.ha hriatna hmang lovin thu puarpawlêng sep thiam apiang an in ngaihsan siak a. Chhungril zia kawrawng siin, pawn lam mawina in an in chhep-relh mêk a ni.
Tichuan an nihna zehlun an paih thlâk ang-a paih thla ve duh lo, Pi leh Pute Chatuan Sakhua vuan tlat tute chu mi ã leh sual chhe lailet dêrah an puh ta a. Mahse hnar tan bung tute’n zahzelsiam kual ang lek chauh kha a ni.
Hnam Sakhua hi hnam tungdingtu leh vawng nungtu a ni a, hemi hnawl chunga hnam nunze dik tun din tum chu thluak tel lova nun tum ang a ni. Chuvangin tuipui ral at.ang sakhaw lo lut hian engtikah mah hnam a tungding lovang. ‘Import Quality Sakhua’ buaipui lova ‘Original Sakhua’ kan buaipui a, chuta kan nun kan sawh ngheh a ngai ta e, chu chauh chu hnam damna awm chhun a ni.
Dated 10 ??? 2013 ????????
No comments:
Post a Comment