RAM ZAWNG LAIAH KAN CHHUANG E (Dârmani Zai thlûk)

RAM ZAWNG LAIAH KAN CHHUANG E (Dârmani Zai thlûk)

Phuahtu: C. Vanlallawma & Vanhmunmawia Renthlei

# Ram zawng laiah kan chhuang e, kan chênna,
Boruak thiang leh Zo thlifîm a lêng,
Dam diaiin min chhêm a,
Dam diaiin aw, min chhêm a, dam diaiin.
(Dam diaiin, dam diaiin min chhem a,
Dam diaiin min chhem a,
Dam diaiin aw, min chhêm a, dam daiin).

# Hmânah tukram chul tum kawng va fangin,
Siktui thiang maw, ngai te‟n luang ri her;
Dâwn leh nâng zo tui thiang,
(Dâwn leh nâng e, zo tui thiang, siktui thiang.
Dâwn leh nâng, dâwn leh nâng, zo tui thiang.
Dâwn leh nâng zo tui thiang.
Dâwn leh nâng e, zo tui thiang, siktui thiang).

# Kha leh chena kan hrilhfâk Zo nun mawi,
Hei ngei hi aw, Zo hnam nun ze mawi,
Chuai lo ten vul reng la.
(Chuai lo te‟n aw, vul reng la, chuai lo te‟n,
Chuai lo te‟n, chuai lo te‟n vul reng la,
Chuai lo te‟n vul reng la,
Chuai lo te‟n aw vul reng la, chuai lo te‟n).

# Zofa lêng zawng lungrualna, Zoram nuam,
Zalêng naufa lungruala lêngin,
Dam lai pâr kan tlân e.
(Dam lai pâr aw, kan tlân e, dam lai pâr,
Dam lai pâr, dam lai pâr kan tlân e,
Dam lai pâr kan tlân e,
Daml lai pâr aw, kan tlân e, dam lai pâr).

ZORAM THAR

-         Rorelliana

-         9612207107

 

TUNA ZORAM DINHMUN : Tuna kan Zoram dinhmunah hi chuan tum ah kan lungawi lo a ni.

Zohnam-in kan luah chin ram hi kan ram Chungkhuanu min dahna a ni a, eng emaw zat kan ram leilung leh a mihring cheng Zohnam te chu Myanmar-in a awpbet tela, eng emaw zat Bangladesh-in min awpbet a, eng emaw zat India-in min awpbet tel bawk a ni.

Tu nge pianpuite duh vang ni hauh loa bang dana dah tlata lungawi awm thei ang? Kan ram leh hnam thil engpawh rorelho theihna kan nei lo a, duh hun hunah kan inkalpawh thei bawk hek lo. Tunah phei chuan unau chhul khat chhuak kan ni tih pawh kan hai zo tawh a, pianpuite ngei pawh “ramdang mi(foreigner)”kan inti nelh nelh mai zawng a nih tak hial hi!

Hnam Sakhua Tehkhin Thu - Ramthanga Khawlhring

Khaw pakhatah hian lo nei mi pakhat hian bawng chaw tur hnim a sãt a. A hnim sahna lamah a chem a lek sual a, a hnar a hlâwi ta hlawih mai a. A thi zawih-zawih a, a hnar bung ta chu a en a, a chek tlawk-tlawk a. Khua-a mite’n an lo hmuh chuan an nuihzat ngei-a a rin vangin a chet chhiat dan chu a thup a, thu a phuah chawp ta a. Khuaah chuan a thu phuah chawp chu a sawi kual a, “E, t.hiante u, ka ram kalna- a ni,” a ti a.

ZONUN MAWI HLUTNA

Laldinthara
Thingsulthliah.

    Mizote tâna innghahna lungphûm pawimawh ber mai, ri thûk leh ril, khawvêlah pawh kan chhuan leh kan uanpui ngam ‘Zo nun mawi’ hi i han sawi dawn teh ang. A thu leh a ri a hriat si, a tak tel lo, hmuh tur awm si lo hi, he hun tawi têah hi chuan kan sawi chhuakin kan sawi fiah thiam dawn lo hle mai, amaherawhchu a hming mawina leh thûkna hian min hneh si a, ka’n han sawi ve hrâm teh ang.