PIANTHARNA

                                                                 

 

Mihring hi a piangthar thei lova, Pathian hriattirna erawh chu a hriain a thlamuanpui thei ani. Pathian hriattirna thu chu a takin a hriattir mihringte hnenah a tungding thin a ni.

Piangthar tih awmzia, Kristian sakhuana ina a pawm dan leh a zirtir danah chuan mihring Isua Lal leh chhandamtua pawmtu te leh an pawmtirte chu piangthar an ti a ni. Misual chhe lailet der kan ni tih hi a tel bawk. Sakhaw inzirtirna chikhat ve mai a ni a, an pawl tih ngheh nana an mite an kaihhruai leh an zirtir thin dan chu ani. Pathian lam kawngah awmzia reng a neilo.

Pathian ruatnaa mihring lo piangchhuak tawh te chu an piang nawn tawh ngai lova, a pian nawn theih bawk hek loh, hetiang bawk hian a pianthar leh theih loh bawk ani. A piangchhuak hmasate chuan a piang hnuhnung, thangthar lo awm zel tur te avangin rei tak kan dam thei lova, thang lo thar zel te tana an leilung luah tur tibuai lovin a piangchhuak hmasa leh pholan hmasakte chu seng zel kan ni thin. Piantharna emaw piannawnna emaw hringfate tan leh nungchate tan pawh pianmawn leh piantharna a tel lo hrim hrim ani. Lo piang chhuak zel te leh lo la piang zel turte pawh Lal remruat sa a ni. Mihringte hi kaihhruai kan nuam em em mai a, Pathian lam kawngah phei chuan sawisak kan nuam leh zual ani. A bik takin Kristian sakhuana zuitute hi an piangthar thin a. Sakhaw dang zuitute erawh chu an piangthar ve lova, an sakhaw zuiah khan rinawm tak leh fel takin an awm mai thin ani. Vawiin ni zela Kristian Zorama chengte hian Israel ho khu Pathianah an bia a, a then te phei chuan an pemchilh hial ani. An sakhaw lehkhabu Bible-ah pawh keini MIZO te hi chu kan tel ve lova, kan chenna ram pawh an ziak tel ve lo a ni. Chuvang chuan mahni ram phatsan a, mi ram beisei a neih ve tuma beihna te, mahni ram ngei chu Lalpa min pek ani tih hrelo te hian an mihringpuite leh an pawlte an nawr chiai hle thin a, kan tan thawnthu mai ani tih an hrethei tlat lo a ni. Pathian thuin leilungah hnam hrang hrangte kan lo dingchhuak a, mahni hnam phatsana, mite nihna tawma, pawlh buaitu kan nih hian sual khawihtu tak leh Patgian huat zawng chu a ni. Mahni nihna humhalh a, vawnthat hian midangte tan pawh a thianghlimin zalenna tluantling pawh chutah chuan a awm a ni. Mite hnena kutdawh fo ai chuan mahni kea dina intodelh hi Pathian thu leh a mite awm dan chu a ni. Tampui mitthi a lo thleng dawn an ti a, hna an thawk peih lova, an mahni ngei chu a tihlawhtlingtu an ni thin. Taima taka thawktu te chuan chutiang tamna te ch an hlau ve ngailo.

Khawvel a tawp dawn an ti a an insawithaih a, hmunkhatah an inkhung a, hna an thawk thei lova, hnathawk lo tan chuan khawi atang mahin eitur leh silhfen a lo kal thei silova, a tuartu chu mahni bawk kn ni thin si a. Chuvangchuan taima tak leh rinawm taka hnathawktute chuan tampui mitthi hi an hlau ngailo ani. Kan aia ram nei chhe zawkte pawhin an ram chu theih tawpin an cheiin an enkawl a, ei leh barah te an intodelh thin ani. Kan Pathian chuan fur leh thal inchawih tawkin mal min sawm a, chhun leh zan inchawih tawkin mal min sawm bawka, heta harsatna tawh hlauva, tam atlak la hlauh fo mai hi sual hnathawh Pathian thu dona chu ani. An chantawka an lungawi theih lohna hi beidawnna a thlentu piangthar thinte chanvo chu a ni. Mihring kan lo pianchhuah hian Pathian thua lo piang, Pathianthu ni nghal chu ani tih Nunna Lalhnam chuan a hrechianga leilunga a chanvo chu a Pathian ruatsa leh pek ani tih hriain lawm takin a dinpui a ni.