SETANA!!!

Mizo Kristian, Pathian ringtu thaa inruatte chuan,tute'n emaw suahsual rawng an han bawl hlek tawh reng reng chuan,"Setana thuzawmtu" an tithla chawt zel tawh mai a.Seatana'n sual ti turin a thlem niin an ngai hmiah mai a ni.He setana an tih hi ramhuai Lalpa niin an ruat tlat bawk ani. Mahnia nun hran neia awm ve hrim hrim leh mihringte thil sual ti tura thlemthintu ramhuai zawng zawng thunun vektu, amah pawh ramhuai niin an ruat thin ani. Vana vantirhkoh tam tak zinga awm thin leh, Pathian chunga a hel tak avanga vantirhkoh dang tam tak pawh thunun tela ama hoa van atanga leia hnawh thlaka awm ta niinKristiante chuan an ruattlat ani.

'SETANA' han tih hian Kristian zungzam dik tak mai atanga Mizote chuan ahming hi kan lo hriat ve a ni chauh mai a. Kristian an awm hma daih tawh khanTorah buah te, Samaritan Pentateuch buah te, Aprgripha bu lamah te a lang daih tawh a. Tuna Bible Thuthlunghlui buah pawh a chuang ani. A hming hrim2 pawh hi a hrang2a ziak te a awm a. 'Setana' tih a nih laiin a thenah chuan 'Diabola' an ti a, athenah 'LUCIFERA' an ti bawk ani. Tin, 'Rul'tih emaw, 'Rulpui tar' tih emaw, 'Varparha' tih emaw a ni bawk ani. A hming lanna hi tam hle mahsela a lo lansarhna bikte chauh han tarlang taila, kan thu sawi tur a fiah zawk theih nan.

Genesis buah, bung 3-naah chuanEvi thlemtu rul angin a lo lang phawt mai a, ramsa zinga fing vervek ber niin a ziak lang a. Hetah hian rulin mihringa hnehna tihlanna a ni phawt mai. Number 21:9-ah chuan Mosian dar rul a siama, banah a khaia;rul chuk na miin a chuk tawh he dar rul khai en apiang an damna turin. Hetah hian rul chu hnehin a awm ani tih a lang ve thung a. Joba buah chuan Setana a nihna hming ngeiin Joba te chhung inkhawmnaah 'Varparh zing lam fapa' angin a sawi thung a. Zakaria buahchuan Setana chu Pathian a hauhtir bawk a.

A hmasa berah chuan Evi thlemtu rul chu Evi rilru kha a ni a, Adama rilru atanga châkna lo chhuak chuan amah Adama ngei chu a thunun zui a, rulin mihring a thlem thei ngawtlo reng2. Mihringte thlemthlu thei khawpa fing vervek chu rul chu rul a awmlo a ni, 'ramsa' a ti si a. Mihringte hi ramsa mai kan nih thu Lal Saula chuan a sawi ani. Mihring rilru hi a verther thin a, mahni leh mahni a inbum fo a, 'Bum hmang, chhe lailet der ani' tih a ni.

Mosian thlalera dar rûl a khai kan pawh kha mahni leh mahni inbumthin mihring Isua entirna a nih daih kha. Isua thlalerah ni 40 leh zan 40 chaw ngheiaa awm laia Diabola thlemaa awm thu an ziak pawh kha ama rilru nen an inkawmna mai2 a nih kha.Khatiang chiah kha ani, Joba leh a chhungte an chhung inkhawmna Setana lo tel ve anga an ziakte kha. Mihring rilqu diklo kan hriat leh thil thalo, lo thleng kan hriattehi Setana tih angin kan puh ani zawk a, a hranin setana hia awm hauhlo mai. Mihring chu ama thinlung bumin a awm thin a,mi dang pawh a tihder a, ama mihringpui ngei pawh a bum thinzawk a ni si a. Bum hmangawmkhawm an ni, Jeremiachuan a ti a ni.

Setana hi a hrana awmin van Pathian laka a hel avangin Van atangin leiah an paih thla a nilo. Mihringhian Pathian remruat a dodal thin a, chuvang chuan Pathianin chatuan nun a buatsaihsak hi an hre theilo a, an hmu theilothin zawk ani tih Genesis bua Nunna Thing rah chu ei a an nun reng loh nana Eden atanga hnawh chhuah an nihna hian a entir chiang a ni. Isua kha leiah, ran thlengah muin tlawm takin mihring zingah piangin a rawn khawsa ve dawn tih hriattir lawkna atan Varparha, zinglam fapa chu leiah sah thlakin a lo awm thu an ziak a ni zawkbwk. Isua kha Setana angin a chantir a nih chu. Mihring sualna hi Setana chu a ni a, sual chu hnehin a awmtih a sawilanna ani.Petera pawh khan "Setan, ka hnungah kal rawh..." a tih kha. Vanah indona awm anga sawiin Mikaela leh a hote chuan setana leh a hote chu hnehin leiah an paih thla niin a sawi bawk ani. Khang te pawh kha Isua ni 40 leh zan 40 chaw a nghei hnu a, setana nena inbeia, inthlem vel anga an sawi te nen khan a angkhat tlang vek ani, an sawi makkual mai2 ani. Khatiangin vanah indon pawh a awmlo, awm anga sawi mai2 ani. Tin, vantirhkoh chak takin setana chu mananga a sawi te pwh kha leilawtah a khar khum anga a sawi te kha, Rome soqkar thuneihna remchanga hmanga Isua an man a, an tihhlum hnua an phum tak thu an sawina mai a ni. Khawvel zawng2 bumtuah an ngai a nih kha. 'tidertu' an ti tlat si.

Setana hi a hran a lo awmlo hrim2tih a chiang a. Tuna kan han tarlan maiang pawh hian a fiah a. Thenkhat tan erawh chuana la fiah zo lo deuh pawh ani mai thei e. Setana hi Kristian zungzang leh Bible-a ziak atanga lo langmai ani a, a tak2 a awm anih chuan mihring hi a ni tih a lo chiang thei ta ani. Rul pawh hi that tawh ngai suh, a bum hauhlo ang che.